Pedro Netuning agenti futbolchini \"Al-Hilol\"ga taklif qildi
Hozircha "Al-Hilol" va "Chelsi" o'rtasida rasmiy muzokaralar boshlangani haqida ma'lumot yo'q.
Foto: Getty Images
"Chelsi" vingeri Pedro Netu Saudiya Arabistonining "Al-Hilol" klubiga o'tishi mumkin.
Italiyalik jurnalist Janluiji Longarining ma'lum qilishicha, portugaliyalik futbolchining agenti Jorje Mendesh o'z mijozini "Al-Hilol"ga taklif qilgan. Saudiya klubi hozirda hujum chizig'ini kuchaytirish uchun bir nechta variantlarni ko'rib chiqmoqda va Netu ham nomzodlar qatoridan joy olgan.
Hozircha "Al-Hilol" va "Chelsi" o'rtasida rasmiy muzokaralar boshlangani haqida ma'lumot yo'q. Shuningdek, futbolchining o'zi ham ehtimoliy transfer yuzasidan hech qanday bayonot bermagan.
Eslatib o'tamiz, Pedro Netu 2024-yilda "Chelsi" safiga qo'shilgan va jamoaning asosiy qanot hujumchilaridan biri hisoblanadi.
Nasrullo Karimov
Jurnalist