Педри: «Финалда Мессинга қарши ўйнашни орзу қиламан»
Испания миллий жамоаси ярим ҳимоячиси Педри 2026-йилги жаҳон чемпионатидаги асосий орзуси ҳақида гапириб ўтди. Бу ҳақда AS нашрига таянадиган Championat хабар бермоқда.
“Жаҳон чемпионати финалида Мессинга қарши ўйнаш — менинг орзум. Мен учун у тарихдаги энг буюк футболчи. Унинг ўйинини кузатиш менга жуда ёқади. Биз ҳар куни бирга машғулот ўтказган пайтларимизда ҳам унинг ҳаракатларидан завқ олардим. Унинг майдонда қилаётган ишлари — ақл бовар қилмас даражада. Бундай ёшда бундай ўйин кўрсатиш фақатгина унинг юксак маҳоратитуфайлигина имкони бор. Мен учун у — тарихдаги энг яхши ўйинчи”, дейди испаниялик футболчи.
Эслатиб ўтамиз, ЖЧ-2026 мусобақасининг 1/8 финалида Испания миллий жамоаси Португалия билан тўқнаш келади. Ушбу баҳс 6 июл кунига белгиланган. Аргентина миллий жамоаси эса ушбу босқич доирасида 7 июл куни Мисрга қарши майдонга тушади.
