Педри Алварес ҳақида фикр билдирди
Аргентиналик «Барселона»га ўтиши кутилмоқда.
ФОТО: Getty images
«Барселона» ярим ҳимоячиси Педри Каталония клубига ўтиши кутилаётган «Атлетико» ҳужумчиси Хулиан Альварес ҳақида фикр билдирди.
«Менга Хулиан футболчи сифатида жуда ёқади. Мен доим «Барселона»да буюк футболчиларни кўришни хоҳлашимни айтганман. Хўш, агар трансфер амалга ошса, унда хуш келибсан», — дея Педрининг сўзларини келтиради Diario AS.
Аввалроқ, «Барселона» Альвареснинг трансферига қизиқаётгани, футболчининг ўзи эса Мадрид клубини тарк этиш истагини ошкора билдиргани хабар қилинганди. Альвареснинг «Атлетико» билан шартномаси 2030 йил ёзигача мўлжалланган.
Ҳозирда ҳужумчи ЖЧ-2026да иштирок этиш учун Аргентина терма жамоаси ихтиёрида.
Розикжон Султонмуродов
Журналист