Паулу Бенту Ўзбекистон терма жамоасини бошқармайди
ФОТО: Getty images
Португалиялик мураббий Паулу Бенту Ўзбекистон миллий терма жамоасини бошқариш таклифини рад этди. Бу ҳақда A Bola хабар берди.
Манбага кўра, ЎФА мутахассисга жамоани 2026 йилги жаҳон чемпионатига тайёрлаш учун мўлжалланган шартнома таклиф қилган эди.
Бенту таклифни қабул қилмади, чунки ўзбек томони тақдим этган шартлар унинг фаолиятининг бу босқичидаги мақсадларига мос келмаган.
56 ёшли мутахассис 2025 йил март ойида БАА терма жамоаси бош мураббийлигидан кетганидан сўнг клубсиз қолган. Унинг қўл остида жамоа Жаҳон чемпионатига чиқиш имкониятини сақлаб турган бўлса-да, шартнома муддатидан аввал бекор қилинган.
Розикжон Султонмуродов
Журналист