Паулу Бенту Тошкентда
Ўзбекистон терма жамоасининг янги бош мураббийи сифатида тилга олинаётган Паулу Бенту Тошкентга етиб келди. Унинг сўнгги иш жойи БАА терма жамоаси бўлиб, у ерда ЖЧ–2026 саралашидаги муваффақиятсизликдан кейин лавозимини тарк этган эди.
Бенту тренерлик фаолияти давомида “Спортинг”, “Крузейро”, “Олимпиакос”, “Чунцин Лифань” клублари, шунингдек, Португалия, Жанубий Корея ва БАА терма жамоаларида иш тажрибасига эга.
Шу билан бирга, айрим мутахассислар қимматга тушадиган ва сўнгги йилларда катта натижаларга эришмаган мураббий биз учун тўғри танлов эмаслигини айтишмоқда. Уларга кўра, тарихий Жаҳон чемпионати йўлида ўзимиздан чиққан мураббийни ишонч билан майдонга чиқариш афзалроқ эди. Бу футболчилар учун ҳам, мураббийнинг ўзи учун ҳам катта тажриба бўлиши мумкин эди.
