Пауло Дибала: «Месси ва Роналду — майдондаги ҳақиқий ёввойилар»
«Рома» клуби яримҳимоячиси Пауло Дибала замонамизнинг икки буюк футболчиси — Лионель Месси ва Криштиану Роналду ҳақидаги ўз фикрлари билан ўртоқлашди. Собиқ регби юлдузи Агустин Креви билан бўлиб ўтган суҳбатда Дибала ҳар икки юлдуз билан ҳам бир жамоада (Роналду билан «Ювентус»да, Месси билан Аргентина терма жамоасида) тўп сурган кам сонли футболчилардан бири сифатида уларнинг ўзига хос жиҳатларига тўхталиб ўтди.
La Gazzetta dello Sport нашри иқтибос келтиришича, Дибала уларнинг техник жиҳатдан фарқ қилишини, бироқ руҳий тайёргарлик борасида ниҳоятда ўхшаш эканликларини таъкидлаган.
Аргентинага футболчининг сўзларига кўра, Месси ва Роналду ўзининг кучли рақобатбардош руҳияти ва доимо ғалаба қозонишга бўлган чанқоқлиги билан ажралиб туради. Дибала ҳар бирининг ўзига хос устунликлари борлигини эътироф этган ҳолда, уларни биргаликда майдондаги «ҳақиқий ёввойилар» деб атади.
Маълумот учун, Пауло Дибала 2022 йилнинг ёзида эркин агент сифатида «Рома» сафига келиб қўшилган эди. Яқинда у ўзига хос тарихий натижа қайд этди: Дибала сўнгги 20 йил ичида Италия чемпионатида 200 та самарали ҳаракат (гол ва ассист) кўрсаткичини забт этган илк хорижлик футболчига айланди.
