Пау Кубарси ЖЧ-2026нинг энг яхши ёш футболчиси деб топилди
Халқаро футбол федерацияси (FIFA) 2026-йилги Жаҳон чемпионати якунларига кўра турнирнинг энг яхши ёш футболчиси номини эълон қилди. Ушбу нуфузли совринга Испания терма жамоаси марказий ҳимоячиси Пау Кубарси лойиқ кўрилди.
Эслатиб ўтамиз, ЖЧ-2026 финалида Испания Аргентина терма жамоасини 1:0 ҳисобида мағлуб этиб, ўз тарихида иккинчи бор жаҳон чемпионилигини қўлга киритди. Мазкур турнирда Кубарси барча 8 та учрашувда майдонга тушди ва самарали ҳаракатлар қайд этмаган бўлса-да, унинг етакчилигидаги "Қизил фурия" мудофаа чизиғи бутун турнир давомида ўз дарвозасидан бор-йўғи битта гол ўтказиб юборди, холос.
Маълумот учун, испанлар ўз тарихида илк бор 2010-йили Жанубий Африкада ўтган Жаҳон чемпионатида зафар қучишган эди. Ўшанда жамоа финалда Нидерландия терма жамоасини мағлуб этганди (1:0, қўшимча вақтда). Амалдаги чемпион Аргентина эса бу сафар тахтни топширишга мажбур бўлди ва кумуш медаллар билан чекланди.
