Париждаги тартибсизликлар ортидан PSJ'нинг 300 га яқин мухлиси ҳибсга олинди
ФОТО: Getty Images
Франциялик мухлислар Парижда Чемпионлар Лигаси финалида PSJ'нинг “Inter” устидан қозонилган ғалабасидан сўнг тартибсизликлар уюштирди. Бу ҳақда RMC Sport нашри хабар бермоқда.
Манбага кўра, тартибсизликлар асосан шаҳар марказида бўлиб ўтган. Қайд этилишича, 50 га яқин одам автобуснинг орқа ойнасини синдирган. Машинада бўлган ҳайдовчи жабрланмаган.
Шунингдек, Елисей ярим оролида автомобил ёқиб юборилган. Ўт ўчирувчиларнинг аралашуви сабаб ёнғин назоратга олинган. Бундан ташқари, бир нечта киши поябзал дўконига бостириб кирган.
Порт-де-Сент-Клуда иккита машина ёниб кетган. Полиция кўздан ёш оқизувчи газ ишлатишга мажбур бўлган.
Полициянинг сўнгги маълумотларига кўра, тартибсизликлар чоғида Парижда 294 киши ҳибсга олинган.
Насрулло Каримов
Журналист