Parijdagi tartibsizliklar ortidan PSJ'ning 300 ga yaqin muxlisi hibsga olindi
Fransiyalik muxlislar Parijda Chempionlar Ligasi finalida PSJ'ning “Inter” ustidan qozonilgan g'alabasidan so'ng tartibsizliklar uyushtirdi. Bu haqda RMC Sport nashri xabar bermoqda.
Manbaga ko'ra, tartibsizliklar asosan shahar markazida bo'lib o'tgan. Qayd etilishicha, 50 ga yaqin odam avtobusning orqa oynasini sindirgan. Mashinada bo'lgan haydovchi jabrlanmagan.
Shuningdek, Yelisey yarim orolida avtomobil yoqib yuborilgan. O't o'chiruvchilarning aralashuvi sabab yong'in nazoratga olingan. Bundan tashqari, bir necha kishi poyabzal do'koniga bostirib kirgan.
Port-de-Sent-Kluda ikkita mashina yonib ketgan. Politsiya ko'zdan yosh oqizuvchi gaz ishlatishga majbur bo'lgan.
Politsiyaning so'nggi ma'lumotlariga ko'ra, tartibsizliklar chog'ida Parijda 294 kishi hibsga olingan.
