Палмер: «Челси»да мунтазам совринларни ютишни ҳис қиляпман»
«Челси» клуби ҳужумкор ярим ҳимоячи Коул Палмер билан шартнома муддати узайтирилганини эълон қилди. Янги келишувга кўра, 24 ёшли англиялик футболчи 2034 йилнинг ўрталарига қадар Лондон клуби шарафини ҳимоя қилади.
“Челси” мен учун жуда кўп нарсани англатади. Менимча, клуб тўғри йўналишда ҳаракат қилмоқда. Шунинг учун янги шартнома имзолаганимдан хурсандман. Мен жуда бахтлиман.
Клуб эгалари, спорт директорлари ва, албатта, бош мураббий билан бўлган суҳбатлар менга ишонч бағишлади. Шу боис янги шартнома имзолаш мутлақо тўғри қарор бўлди.
Жамоадошларим билан суҳбатлашганимда, барчамизнинг мақсадларимиз бир хил эканини кўряпман. Бу ерда мунтазам равишда йирик совринларни қўлга киритишимиз мумкинлигини ҳис қиляпман. Мен ҳам шу жараённинг бир қисми бўлишни ва унда муҳим роль ўйнашни истайман”, — дея Палмернинг сўзларидан келтиради “Челси” матбуот хизмати.
