Palmer: “Chelsi”da muntazam sovrinlarni yutishni his qilyapman”
“Chelsi” klubi hujumkor yarim himoyachi Koul Palmer bilan shartnoma muddati uzaytirilganini e’lon qildi. Yangi kelishuvga ko‘ra, 24 yoshli angliyalik futbolchi 2034 yilning o‘rtalariga qadar London klubi sharafini himoya qiladi.
“Chelsi” men uchun juda ko‘p narsani anglatadi. Menimcha, klub to‘g‘ri yo‘nalishda harakat qilmoqda. Shuning uchun yangi shartnoma imzolaganimdan xursandman. Men juda baxtliman.
Klub egalari, sport direktorlari va, albatta, bosh murabbiy bilan bo‘lgan suhbatlar menga ishonch bag‘ishladi. Shu bois yangi shartnoma imzolash mutlaqo to‘g‘ri qaror bo‘ldi.
Jamoadoshlarim bilan suhbatlashganimda, barchamizning maqsadlarimiz bir xil ekanini ko‘ryapman. Bu yerda muntazam ravishda yirik sovrinlarni qo‘lga kiritishimiz mumkinligini his qilyapman. Men ham shu jarayonning bir qismi bo‘lishni va unda muhim rol o‘ynashni istayman”, — deya Palmerning so‘zlaridan keltiradi “Chelsi” matbuot xizmati.
