Пальинья «Бенфика»га ўтиши мумкин – манба
Португалия терма жамоаси ярим ҳимоячиси Жоау Пальинья фаолиятини «Бенфика»да давом эттириши мумкин. Бу ҳақда Glorioso 1904 хабар берди.
Манбага кўра, Лиссабон клуби бош мураббийи Марку Силва 31 ёшли таянч ярим ҳимоячисини жамоага олиб келишдан манфаатдор ва уни эҳтимолий янги футболчилар рўйхатига киритган.
Пальинья ўтган мавсумни ижара асосида «Тоттенхэм» сафида ўтказди. Бироқ Лондон клуби уни тўлиқ сотиб олиш ҳуқуқидан фойдаланмади. Энди футболчи «Бавария»га қайтади, аммо у клуб мураббийлар штаби режаларига кирмагани учун яна жамоасини алмаштириши мумкин.
Аввалроқ Пальиньяни «Спортинг»га қайтариш варианти ҳам кўриб чиқилган эди. Аммо Алтимира трансфери амалга ошгач, Лиссабон клубининг собиқ сардорига бўлган қизиқиш анча сусайган.
Ўтган мавсумда Жоау Пальинья «Тоттенхэм» сафида барча мусобақаларда 45 та учрашувда майдонга тушиб, 7 та гол урди ва 2 та голли узатмани амалга оширди.
Transfermarkt маълумотларига кўра, тажрибали ярим ҳимоячининг бозор қиймати 15 миллион еврога тенг.
