Пальинья «Астон Вилла»га ўтиши мумкин
«Бавария» ярим ҳимоячиси Жоау Пальинья фаолиятини «Астон Вилла»да давом эттириши мумкин. Бу ҳақда TEAMtalk хабар берди.
Манбага кўра, «Астон Вилла» 31 ёшли португалиялик футболчи трансферини тезроқ ҳал қилиб, «Ньюкасл»дан олдинроқ ҳаракат қилишга интилмоқда.
«Бавария» раҳбарияти Пальиньяга янги мавсум режаларида унинг ўрни йўқлигини маълум қилган. Бирмингем клуби футболчини ижарага олиш ва кейинчалик сотиб олиш имкониятига эга бўлишни истамоқда. Бироқ Германия гранди Пальиньяни фақат тўлиқ трансфер асосида сотиш тарафдори.
Айни пайтда «Астон Вилла»нинг Пальиньяни қўлга киритиш имконияти «Ньюкасл»никига қараганда юқорироқ экани таъкидланган.
Португалиялик хавбек ўтган мавсумни «Тоттенхэм»да ижара асосида ўтказди. У барча турнирларда 45 та учрашувда майдонга тушиб, 7 та гол ва 3 та голли узатма қайд этди.
