«Пахтакор» U-21 лигасида 11-бор чемпионга айланди
Ушбу кўрсаткич бўйича ҳам"Пахтакор" рекордчи.
Фото: Пахтакор ПФК
Ёшлар жамоамиз биринчиликнинг 28-турида "Қўқон-1912"дан устун келиб, ушбу лигада 11-бор чемпионликка эришди.
Бунгача "Пахтакор" 2002, 2003, 2004, 2005, 2006, 2010, 2012, 2018, 2023 ва 2024 йилларда U-21 лигасида мавсумни энг юқори поғонада якунлаганди. Бу сафар эса 11-чемпионлик қўлга киритилди. Ушбу кўрсаткич бўйича ҳам"Пахтакор" рекордчи саналиб, 7 чемпионликка эга "Нефтчи" билан фарқни катталаштирди.
Мавсумни барқарор ўтказган "Пахтакор" ёшлар жамоаси чемпионликни ўзида сақлаб қола олди. Кетма-кет учинчи йил чемпионлик бизда қолди. Ушбу муваффақият қўлга киритилишида клуб раҳбариятидан тортиб академия ходимларининг хизматларигача эътироф этиб ўтиш лозим. Бруну Карвалью ва Шуҳрат Бўриев бошчилигидаги жамоа мавсумни ажойиб нотада якунлади.
Розикжон Султонмуродов
Журналист