«Paxtakor» U-21 ligasida 11-bor chempionga aylandi
Yoshlar jamoamiz birinchilikning 28-turida "Qo‘qon-1912"dan ustun kelib, ushbu ligada 11-bor chempionlikka erishdi.
Bungacha "Paxtakor" 2002, 2003, 2004, 2005, 2006, 2010, 2012, 2018, 2023 va 2024-yillarda U-21 ligasida mavsumni eng yuqori pog‘onada yakunlagandi. Bu safar esa 11-chempionlik qo‘lga kiritildi. Ushbu ko‘rsatkich bo‘yicha ham "Paxtakor" rekordchi sanalib, 7 chempionlikka ega "Neftchi" bilan farqni kattalashtirdi.
Mavsumni barqaror o‘tkazgan "Paxtakor" yoshlar jamoasi chempionlikni o‘zida saqlab qola oldi. Ketma-ket uchinchi yil chempionlik bizda qoldi. Ushbu muvaffaqiyat qo‘lga kiritilishida klub rahbariyatidan tortib akademiya xodimlarining xizmatlarigacha e’tirof etib o‘tish lozim. Brunu Karvalyu va Shuhrat Bo‘riyev boshchiligidagi jamoa mavsumni ajoyib notada yakunladi.
