«Пахтакор» - «Насаф». Ўзаро ўйинлар тарихидан
Тошкентдаги баҳс соат 20:00да бошланади.
Фото: Пахтакор ПФК
Суперлига 10-тури марказий ўйинида "Пахтакор" "Насаф"га қарши Тошкентда ўйнайди.
Беллашувлар тарихига назар ташлайдиган бўлсак, чемпионатларда жамоалар жами 58 марта ўзаро баҳс олиб боришган. Уларнинг 31тасида "Пахтакор" зафар қучган бўлса, 15 беллашувда дуранг натижа қайд этилган. Қаршиликлар эса 12 ўйинда ғалаба қозонишган. Рақиб дарвозасини 82 бор ишғол қилган "Пахтакор" ўз дарвозасидан 51 гол ўтказиб юборган.
Тошкентдаги беллашувларда "шерлар" 22 ғалаба, 5 дуранг ва 2 мағлубият қайд этган. Тошкентдаги баҳсларда "Пахтакор" 49 гол уриб, 15 тўп ўтказишган.
"Пахтакор"ва "Насаф" жамоалари ўртасидаги беллашув 28 апрель, сешанба куни "Пахтакор" стадионида соат 20:00да бошланади.
Розикжон Султонмуродов
Журналист