«Пахтакор» қисқа таътилга йўл олди
10 июндан машғулотлар Қибрайдаги базада давом эттирилади.
Фото: Пахтакор ПФК
Кубок баҳсларидан сўнг "Пахтакор" мавсумнинг биринчи қисмини якунлади. Бу ҳақда клуб матбуот хизмати хабар берди.
Жаҳон чемпионати билан боғлиқ танаффусдан кейин жамоа навбатдаги расмий ўйинни 17 июль ўтказиши мўлжалланган.
Мавсумнинг иккинчи қисмида бизни чемпионатда 19 ўйин, Чемпионлар Лигаси баҳслари ва кубок учрашувлари кутиб турибди.
Футболчилар икки ҳафта давомида дам олишади. 10 июндан машғулотлар Қибрайдаги базада давом эттирилади.
Розикжон Султонмуродов
Журналист
