Қозоғистонлик 17 ёшли Дастан Сатпаев “Челси” сафида дебют қилади
Қозоғистон футболининг энг иқтидорли ёшларидан бири Дастан Сатпаев “Челси” сафидаги илк учрашувини ўтказишга яқин турибди. 17 ёшли ҳужумчи Лондон клубининг мавсумолди йиғинига жалб қилинди ва мураббийлар штаби уни навбатдаги ўртоқлик учрашувида майдонга туширишни режалаштирмоқда.
Сатпаев ёз бошида “Челси” машғулотларига қўшилган бўлиб, жамоа билан Австралия ва Осиё бўйлаб ўтаётган мавсумолди турнесида иштирок этмоқда. У клубнинг сафар таркибига киритилган энг ёш футболчилардан бири ҳисобланади.
Маълумот учун, Дастан Сатпаев “Қайрат” академияси тарбияланувчиси ҳисобланади. “Челси” унинг трансферига 2025 йилда келишиб олган, футболчи эса 18 ёшга тўлиши арафасида расман Лондон клубига қўшилди. Ёш ҳужумчи Қозоғистон миллий терма жамоаси сафида ҳам дебют қилган ва мамлакат футболининг энг истиқболли футболчиларидан бири сифатида эътироф этилмоқда.
