Ҳозир у уйда турибди: Файзуллаевга совға қилинган автомобил ҳақида
Ўзбекистон миллий терма жамоаси ва Москва ЦСКА клуби шарафини ҳимоя қилаётган Аббосбек Файзуллаев Президент томонидан совға қилинган автомобил ҳақида ўз муносабатини билдирди. Бу ҳақда унинг клуби матбуот хизмати маълум қилди.
Клуб вакиллари билан суҳбатда унга совға қилинган машина ҳақида сўралди:
— Сизга совға қилинган автомобил тақдири нима бўлди? — деган саволга футболчи шундай жавоб берди:
— Жаҳон чемпионати йўлланмасини қўлга киритганимиздан сўнг, Президентимиз барчамизга автомобил совға қилишга қарор қилдилар. Ҳозир у машина уйимизда, мен уни отамга бердим. Кутамизки, айнан у ҳайдайди, — деди Файзуллаев.
Қўшимча саволда отасининг бу совғага муносабати ҳақида сўралганда, у қисқа ва аниқ жавоб берди:
— Албатта, отам жуда хурсанд, — деди футболчи.
Эслатиб ўтамиз, мукофотлаш маросими Қатарга қарши саралаш босқичидаги сўнгги учрашувдан сўнг бўлиб ўтди. Ўша беллашувда ўзбекистонлик футболчилар 3:0 ҳисобида ишончли ғалабага эришишган эди. Муваффақиятли саралаш кампанияси натижасида Президент Шавкат Мирзиёев барча футболчилар, мураббийлар ва терма жамоа ходимларини рағбатлантиришга қарор қилди. Уларга Хитойда ишлаб чиқарилган BYD русумидаги автомобиллар топширилди.
