Hozir u uyda turibdi: Fayzullayevga sovg‘a qilingan avtomobil haqida
O‘zbekiston milliy terma jamoasi va Moskva CSKA klubi sharafini himoya qilayotgan Abbosbek Fayzullayev Prezident tomonidan sovg‘a qilingan avtomobil haqida o‘z munosabatini bildirdi. Bu haqda uning klubi matbuot xizmati ma’lum qildi.
Klub vakillari bilan suhbatda unga sovg‘a qilingan mashina haqida so‘raldi:
— Sizga sovg‘a qilingan avtomobil taqdiri nima bo‘ldi? — degan savolga futbolchi shunday javob berdi:
— Jahon chempionati yo‘llanmasini qo‘lga kiritganimizdan so‘ng, Prezidentimiz barchamizga avtomobil sovg‘a qilishga qaror qildilar. Hozir u mashina uyimizda, men uni otamga berdim. Kutyapmizki, aynan u haydaydi, — dedi Fayzullayev.
Qo‘shimcha savolda otasining bu sovg‘aga munosabati haqida so‘ralganda, u qisqa va aniq javob berdi:
— Albatta, otam juda xursand, — dedi futbolchi.
Eslatib o‘tamiz, mukofotlash marosimi Qatarga qarshi saralash bosqichidagi so‘nggi uchrashuvdan so‘ng bo‘lib o‘tdi. O‘sha bellashuvda o‘zbekistonlik futbolchilar 3:0 hisobida ishonchli g‘alabaga erishishgan edi. Muvaffaqiyatli saralash kampaniyasi natijasida Prezident Shavkat Mirziyoyev barcha futbolchilar, murabbiylar va terma jamoa xodimlarini rag‘batlantirishga qaror qildi. Ularga Xitoyda ishlab chiqarilgan BYD rusumidagi avtomobillar topshirildi.
