Отаменди «Ривер Плейт» билан шартнома имзолади
Футбол бўйича Аргентина терма жамоаси таркибида жаҳон чемпиони бўлган Николас Отаменди “Ривер Плейт” билан шартнома имзолади, дея хабар беради Аргентина клуби матбуот хизмати.
2025/2026 йилги мавсум якунида Отаменди Португалиянинг “Бенфика” клубини тарк этиб, эркин агентга айланди. 38 ёшли ҳимоячининг “Ривер Плейт” билан келишуви 2027 йилнинг охирига қадар мўлжалланган.
Отаменди 2020-йилдан буён “Бенфика” сафида тўп суриб келаётганди. У Португалия клуби сафида 281 та ўйин ўтказиб, Португалия чемпиони бўлди, мамлакат Кубоги ва иккита Суперкубогини қўлга киритди.
Николас Аргентина терма жамоаси таркибида борадиган жаҳон чемпионати якунланганидан сўнг, июл ойида ўзининг янги клубига қўшилади. Амалдаги жаҳон чемпионлари Ж гуруҳида Жазоир, Австрия ва Иордания жамоаларига қарши ўйнайди.
