Отабек Шукуров фаолиятини БАА лигасида давом эттириши мумкин
Музокаралар давом этмоқда.
Фото: ЎФА
Ўзбекистон миллий терма жамоаси ярим ҳимоячиси Отабек Шукуров фаолиятини Бирлашган Араб Амирликларли Пролигасида давом эттириши мумкин.
Футболчининг хизматига “Банияс” клуби жиддий қизиқиш билдирмоқда. Бу клубда ўзбекистонлик Акмал Мозговой ҳам тўп сурмоқда.
Ҳозирда музокаралар давом этмоқда ва тез орада келишувга эришиши кутилмоқда.
Отабек Шукуров ҳозирда клубсиз бўлиб, унинг охирги ўйнаган клуби Саудия Арабистонининг “Ал-Фейҳа” жамоаси бўлган. Transfermarkt портали футболчининг қийматини 1,8 миллион еврога баҳоламоқда.
Розикжон Султонмуродов
Журналист