Отабек Боймуродов – «Сурхон» футболчиси
Клуб миқёсида Отабек “Пахтакор” ва “Бухоро” жамоалари шарафини ҳимоя қилган.
Фото: Бухоро ПФК
«Сурхон» таркибини ёш ва иқтидорли футболчилар билан кучайтиришда давом этмоқда. Футбол клуби 22 ёшли дарвозабон Отабек Боймуродов билан шартнома имзолади.
Отабек U-20 Осиё чемпиони ҳамда 2023 йилда юртимизда бўлиб ўтган турнирнинг энг яхши дарвозабони ҳисобланади. Қитъа биринчилигидаги муваффақиятли иштирок этгани унга Аргентинада ўтказилган ёшлар ўртасидаги жаҳон чемпионатида қатнашиш имконини берди. Ушбу мусобақада Ўзбекистон ёшлар терма жамоаси 1/8 финал босқичигача етди.
Шунингдек, Боймуродов Ўзбекистон олимпия терма жамоаси сафида Осиё ўйинларининг бронза медали совриндори бўлган.
Клуб миқёсида Отабек “Пахтакор” ва “Бухоро” жамоалари шарафини ҳимоя қилган.
Розикжон Султонмуродов
Журналист