Ҳоссам Ҳассан: «Иккинчи голда ҳимоямиз ачинарли тарзда ҳаракат қилди»
Миср терма жамоаси бош мураббийи Ҳоссам Ҳассан Ўзбекистонга қарши баҳсдан сўнг ўз фикрлари билан ўртоқлашди.
“Индивидуал хатолар Ўзбекистонга мағлуб бўлишимизга сабаб бўлди. Шунга қарамай, иккинчи бўлимда биз яхши ҳаракат қилгандик.
Ўртоқлик ўйинлари хатолардан хулоса чиқариш ва улардан тўғри сабоқ олишда катта аҳамиятга эга. Айниқса, жамоангизда асосий ўйинчилар йўқ бўлса, бу янада муҳим. Биз 8 та асосий футболчиларимизсиз ҳаракат қилдик. Бироқ Марван Усмон, Осама Фаисал, Залака, Маҳмуд Сабер каби янги номларни ҳам синовдан ўтказиб олдик.
Ўзбекистон — иқтидорли футболчиларга эга кучли жамоа. Айнан мана шу йигитлар миллий жамоани жаҳон чемпионатига олиб чиқди. Бироқ биз шундай рақибга қарши илк голда эътиборсизлик қилдик ва иккинчи голда ҳимоямиз ачинарли тарзда ҳаракат қилди”, — деди 59 ёшли мутахассис.
