Оскар юраги билан боғлиқ муаммолар сабаб шифохонага ётқизилди
Футболчи велотренажорда машқ қилаётганда ҳушидан кетган.
ФОТО: Getty images
Собиқ “Челси” ва ҳозирда Бразилиянинг “Сан-Паулу” клуби шарафини ҳимоя қилаётган Оскар юраги билан боғлиқ муаммолар сабаб шифохонага ётқизилди. Бу ҳақда клуб матбуот хизматига таяиб Globo нашри хабар берди.
Маълум бўлишича, футболчи велотренажорда машқ қилаётганда ҳушидан кетган ва тахминан икки дақиқа ўзига келмаган.
Аввалги текширувларда унинг юрагида ўзгаришлар аниқланган бўлиб, август ойидан буён кардиолог назорати остида бўлган. Футболчи оиласига агар соғлиғи билан боғлиқ муаммолар жиддийлашса, фаолиятини якунлашини билдирган.
Ҳозирда Оскар шифохонада барқарор ҳолатда. Шунингдек, қўшимча текширувлар олиб борилмоқда. Клуб хабарига кўра, янги маълумотлар тиббий гуруҳ томонидан тасдиқлангач эълон қилинади.
Розикжон Султонмуродов
Журналист