Oskar yuragi bilan bog‘liq muammolar sabab shifoxonaga yotqizildi
Sobiq “Chelsi” va hozirda Braziliyaning “San-Paulu” klubi sharafini himoya qilayotgan Oskar yuragi bilan bog‘liq muammolar sabab shifoxonaga yotqizildi. Bu haqda klub matbuot xizmatiga tayanib Globo nashri xabar berdi.
Ma’lum bo‘lishicha, futbolchi velotrenajorda mashq qilayotganida hushidan ketgan va taxminan ikki daqiqa o‘ziga kelmagan.
Avvalgi tekshiruvlarda uning yuragida o‘zgarishlar aniqlangan bo‘lib, avgust oyidan buyon kardiolog nazorati ostida bo‘lgan. Futbolchi oilasiga agar sog‘lig‘i bilan bog‘liq muammolar jiddiylashsa, faoliyatini yakunlashini bildirgan.
Hozirda Oskar shifoxonada barqaror holatda. Shuningdek, qo‘shimcha tekshiruvlar olib borilmoqda. Klub xabariga ko‘ra, yangi ma’lumotlar tibbiy guruh tomonidan tasdiqlangach e’lon qilinadi.
