Оскар фаолиятини якунлашга қарор қилди — манба
34 ёшли «Сан-Паулу» яримҳимоячиси Оскар футболчилик фаолиятини якунлашга қарор қилди. Бу ҳақда ESPN Brasil нашри хабар берди.
Манбага кўра, «Сан-Паулу» клуб раҳбарияти Оскар билан учрашиб, унинг келажакдаги режаларини билиб олишни режалаштирмоқда. Бразилия клуби футболчини клуб тизимида ишлашга таклиф қилиш вариантини ҳам кўриб чиқмоқда. «Сан-Паулу» Оскарнинг қайтиш муддати учун ҳеч қандай deadline қўймаган — у келажаги ҳақида ўйлаш учун ўзи зарур деб билганча вақт олиши мумкин.
Эслатиб ўтамиз, 11 ноябр куни Оскар клуб машғулот базасида ўтказилган режалаштирилган тиббий кўрик вақтида ҳушидан кетган эди. Текширувдан сўнг унда юрак билан боғлиқ муаммолар аниқланган.
Оскар 2012–2017 йилларда «Челси» сафида ўйнаган ва лондонликлар билан Англия чемпиони бўлган.
