Осиёнинг энг яхши футболчиси Шомуродовнинг агентлиги билан келишувга эришди
Футбол
Иброҳим Жалолов
Редактор
PHOTO: Telegram
Вакилларимизнинг Саудия Арабистонида бўлиб ўтган U17 Осиё чемпионатидаги ажойиб иштироки ва чемпионлигидан сўнг, турли хил футбол агентликлари ёш футболчилар билан шартнома имзолашни бошлаб юборди.
Ўзбекистон U-17 таркибида ёрқин ўйин намойиш қилган "Бунёдкор" аъзоси Садриддин Ҳасанов ProSport Management футбол агентлиги билан ҳамкорлик қилади. Ушбу агентлик билан Элдор Шомуродов, Аббос Файзуллаевлар ҳам шартнома тузишган. Агентликнинг Ўзбекистондаги раҳбари футболчи Егор Кримец ҳисобланади.
Эслатиб ўтамиз, Садриддин Ҳасанов турнирда 4та гол урди ва мусобақанинг энг яхши футболчиси деб топилган эди.