Осимхеннинг жароҳати бўйича дастлабки ташхис маълум қилинди
“Галатасарой” ҳужумчиси Виктор Осимхеннинг “Истанбул Башакшеҳир”га қарши учрашувда олган жароҳати бўйича дастлабки ташхис маълум бўлди. Нигериялик футболчининг ўнг сон мушакларининг чов соҳасида чўзилиш ва оғриқ аниқланган, даволаш жараёни бошланган. Қўшимча текширувлардан сўнг жароҳатнинг аниқ даражаси маълум бўлади.
Осимхен Туркия Суперлигасининг 4-турида “Башакшеҳир”га қарши баҳсда 16-дақиқада ҳисобни очган, бироқ жароҳат сабаб 33-дақиқада майдонни тарк этишга мажбур бўлган. “Галатасарой” учрашувда 3:2 ҳисобида ғалаба қозонди.
Жамоа бош мураббийи Окан Бурук Осимхенни Чемпионлар лигасидаги навбатдаги учрашувгача сафга қайтаришга умид қилаётганини билдирди. “Галатасарой” 9 сентябрь куни турнирнинг лига босқичидаги илк ўйинини сафарда “Спортинг”га қарши ўтказади.
Маълумот учун, Осимхен жорий мавсум Туркия Суперлигасида 4 та учрашувда майдонга тушиб, 6 та гол урган ва 2 та голли узатмани амалга оширган.
