Осимхен “Ювентус”га ўтишни истамоқда
Ҳужумчи Виктор Осимхен Италиянинг “Ювентус” клубига ўтишни хоҳламоқда. Бу ҳақда журналист Альфредо Педулла хабар берди.
Манбага кўра, “Ал-Аҳли” ва “Ал-Ҳилол” клубларининг қизиқишига қарамай, футболчи Саудия Арабистонида ўйнашни истамаяпти. “Ал-Ҳилол” уни йиллик 30–35 миллион евро маош билан таъминлашга тайёр эди.
Аввалроқ, туринликлар Осимхен учун «Наполи»га бонусларни қўшиб ҳисоблаганда 85 миллион евро таклиф қилишга тайёр экани ҳақида ҳам хабарлар тарқалган.
Футболчи «Ювентус»ни биринчи ўринга қўяётгани айтилмоқда, чунки у спорт директори Кристиано Жунтоли билан яна ҳамкорлик қилишдан мамнун бўлар эди. Ҳозирча нигериялик ҳужумчи туринликлар билан музокараларни кутмоқда.
Осимхеннинг «Наполи» билан амалдаги шартномаси 2026 йил 30 июнгача мўлжалланган.
