Osimhen \"Yuventus\"ga o'tishni istamoqda
Hujumchi Viktor Osimhen Italiya "Yuventus" klubiga o'tishni xohlamoqda. Bu haqda jurnalist Alfredo Pedulla xabar berdi.
Manbaga ko'ra, "Al-Ahli" va "Al-Hilol" klublarining qiziqishiga qaramay, futbolchi Saudiya Arabistonida o'ynashni istamayapti. "Al-Hilol" uni yiliga 30–35 million yevro maosh bilan ta'minlashga tayyor edi.
Avvalroq, turinliklar Osimhen uchun "Napoli"ga bonuslarni qo'shib hisoblaganda 85 million yevro taklif qilishga tayyor ekani haqida ham xabarlar tarqalgan.
Futbolchi "Yuventus"ni birinchi o'ringa qo'yayotgani aytilmoqda, chunki u sport direktori Kristiano Juntoli bilan yana hamkorlik qilishdan mamnun bo'lar edi. Hozircha nigeriyalik hujumchi turinliklar bilan muzokaralarni kutmoqda.
Osimhenning "Napoli" bilan amaldagi shartnomasi 2026 yil 30 iyungacha mo'ljallangan.
