Осимхен «Барселона»га қарши ўйинда майдонга тушиши мумкин
«Галатасарай»нинг нигериялик ҳужумчиси Виктор Осимхен Чемпионлар лигасида «Барселона»га қарши бўлажак учрашувда майдонга тушиши мумкин.
Mundo Deportivo хабарига кўра, Осимхен жароҳатидан кейин «Галатасарай» билан машғулотларга қайтган. Туркия клуби уни «Барселона»га қарши ўйинда майдонга туширишга умид қилмоқда.
Қайд этилишича, футболчининг учрашувда иштирок этиши бўйича якуний қарор ўйинга яқин вақтда қабул қилинади. Бу ҳақда турк гранди шифокори Йенер Инче маълум қилди.
«Осимхеннинг тикланиш жараёни жуда яхши кечмоқда. У жамоа билан бир нечта машғулотларда иштирок этди. Бироқ биз таваккал қилишни истамаймиз. Қарорни тест натижалари асосида қабул қиламиз», — деди Инче.
Чемпионлар лигаси умумий босқичининг 2-туридан ўрин олган «Галатасарай» — «Барселона» учрашуви 13 октябрь куни бўлиб ўтади.
