Осимҳен фаолиятини La Ligada давом эттириши мумкин — манба
«Атлетико Мадрид» ёзда унга бўлган қизиқиш кучайиши фонида Туркиянинг «Галатасарой» клуби ҳужумчиси Виктор Осимҳен трансферига қизиқиш билдирмоқда, деб хабар беради AS нашри.
Манбанинг маълум қилишича, Испания гранди Осимҳенни харид қилиш масаласини «Барселона»га ўтиши тахмин қилинаётган ҳужумчи Хулиан Алвареснинг келажаги борасидаги ноаниқлик туфайли кўриб чиқмоқда.
Осимҳен «Галатасарой»даги муваффақиятли давридан сўнг Европа футболидаги энг талабгир ҳужумчилардан бирига айланди, у ерда икки мавсум давомида 74 та ўйинда 59 та гол урди. Ҳужумчи клубнинг ички ареналардаги ютуқларида, жумладан, иккита чемпионлик унвони ва мамлакат Кубогидаги ғалабада муҳим роль ўйнади.
Нигерия терма жамоаси форварди Европанинг бир нечта етакчи клублари эътиборини тортди.
«Атлетико»дан ташқари, Осимҳеннинг вазиятини «Манчестер Юнайтед» ва «Арсенал» ҳам диққат билан кузатиб бормоқда. Шунингдек, «Пари Сен-Жермен» ҳам 27 ёшли футболчига қизиқиш билдиришда давом этмоқда.
