Opta суперкомпьютери УЕФА Чемпионлар Лигасининг асосий фаворитини эълон қилди

Opta таҳлилий маркази суперкомпьютери 2025/2026 йилги мавсум 1/8 финал жавоб учрашувлари якунига кўра мусобақа ғолиблиги учун асосий даъвогарларни аниқлади.

Ҳисоб-китобларга кўра, Европанинг энг нуфузли клублар турнирида ғалаба қозониш учун энг юқори имконият Лондоннинг «Арсенал» клубида (29,73%) мавжуд.

Чемпионлар лигасининг ғолиблиги учун даъвогарларнинг тўлиқ рўйхати қуйидагича кўриниш олган:

1. «Арсенал» – 29,73%
2. «Бавария» – 18,33%
3. «Барселона» – 15,66%
4. «ПСЖ» – 11,87%
5. «Реал» Мадрид – 9,85%
6. «Ливерпул» – 7,12%
7. «Атлетико» – 4,41%
8. «Спортинг» – 3,03%

Маълумот учун, Чемпионлар Лигасининг амалдаги ғолиби «ПСЖ» жамоаси ҳисобланади. Парижликлар ўтган мавсумнинг финал баҳсида Италиянинг «Интер» клуби устидан ғалаба қозонишган эди.

Насрулло Каримов

Журналист