Opta суперкомпьютери La Liga чемпионлиги учун курашда «Барселона» ва «Реал» имкониятларини баҳолади
Ҳозирда каталонияликлар мадридликлардан 7 очкога илгарилаб кетган.
ФОТО: Getty Images
Opta суперкомпьютери Испания La Ligaсининг 30-туридан сўнг «Барселона» ва Мадриднинг «Реал» клубларининг чемпионлик имкониятларини таҳлил қилиб чиқди.
Олинган маълумотларга кўра, якунда «Барселона»нинг чемпион бўлиш эҳтимоли 92% ни ташкил этмоқда. «Қаймоқранглилар»нинг зафари эса бор-йўғи 8% га баҳоланган.
Испания чемпионатининг 30 та ўйинидан сўнг «Барселона» 76 очко жамғарган ҳолда турнир жадвалида пешқадамлик қилмоқда. Мадриднинг «Реал» клуби эса 69 очко билан иккинчи ўринда бормоқда.
Навбатдаги турда Ханс-Дитер Флик шогирдлари 11 апрель куни ўз майдонларида «Эспаньол»ни қабул қилишса, Альваро Арбелоа бошчилигидаги жамоа 10 апрель куни «Жирона»га қарши баҳс олиб боради.
Насрулло Каримов
Журналист