Opta superkompyuteri La Liga chempionligi uchun kurashda «Barselona» va «Real» imkoniyatlarini baholadi

Opta superkompyuteri Ispaniya La Ligasining 30-turidan so‘ng «Barselona» va Madridning «Real» klublarining chempionlik imkoniyatlarini tahlil qilib chiqdi.

Olingan ma’lumotlarga ko‘ra, yakunda «Barselona»ning chempion bo‘lish ehtimoli 92% ni tashkil etmoqda. «Qaymoqranglilar»ning zafari esa bor-yo‘g‘i 8% ga baholangan.

Ispaniya chempionatining 30 ta o‘yinidan so‘ng «Barselona» 76 ochko jamg‘argan holda turnir jadvalida peshqadamlik qilmoqda. Madridning «Real» klubi esa 69 ochko bilan ikkinchi o‘rinda bormoqda.

Navbatdagi turda Hans-Diter Flik shogirdlari 11 aprel kuni o‘z maydonlarida «Espanyol»ni qabul qilishsa, Alvaro Arbeloa boshchiligidagi jamoa 10 aprel kuni «Jirona»ga qarshi bahs olib boradi.

Nasrullo Karimov

Jurnalist