Opta суперкомпьютери чорак финал якунга кўра Чемпионлар Лигаси фаворитини эълон қилди

Opta суперкомпьютери УЕФА Чемпионлар Лигасининг чорак финал босқичи якунларига кўра мусобақа ғолиблиги учун ўз прогнозларини янгилади. Бу ҳақда Opta Analyst нашри хабар бермоқда.

Opta талқинига кўра, жамоаларнинг Чемпионлар Лигасида ғалаба қозониш имкониятлари қуйидагича баҳоланмоқда:

1. «Арсенал» (Англия) — 38,6%;
2. «Бавария» (Германия) — 33,3%;
3. «Пари Сен-Жермен» (Франция) — 19,1%;
4. «Атлетико Мадрид» (Испания) — 9%.

Эслатиб ўтамиз, 2025/2026 йилги мавсум яримфиналида «ПСЖ» «Бавария» билан, «Атлетико» эса «Арсенал» билан куч синашади. Яримфиналнинг дастлабки учрашувлари 2026 йил 28 ва 29 апрел кунлари, жавоб ўйинлари эса 5 ва 6 май кунлари бўлиб ўтади.

Европанинг энг нуфузли клублараро турнири финали 30 май куни Венгрия пойтахти Будапешт шаҳрида ўтказилади.

Насрулло Каримов

Журналист