Opta суперкомпютери ЧЛда ғолибликка даъвогарлар рўйхатини янгилади
Лигада 2-тур учрашувлари якунланди.
ФОТО: Getty images
“Арсенал” Европа Чемпионлар лигасида ғолиб чиқиш учун асосий даъвогарга айланди. Бу ҳақда Opta суперкомпютери маълумот берди.
Ҳозирда ортда қолган икки турдан сўнг олти клуб йўқотишларсиз давом этмоқда – “Бавария”, “Реал”, “ПСЖ”, “Интер”, “Арсенал” ва “Қорабоғ”.
Opta суперкомпютерининг янгиланган ҳисоб-китобларига кўра, ҳозирги пайтда турнирда ғалаба қозонишга асосий даъвогар — “Арсенал”. Жамоанинг чемпионликка эришиш эҳтимоли 18,1%га баҳоланган. 2-ўринда “Ливерпуль” (14,7%), 3-поғонада эса “ПСЖ” (14%).
Шунингдек, кучли бешликка “Манчестер Сити” (9,7%) ва “Бавария»” (9,5%) ҳам кирган.
6-ўриндан 10-ўрингача бўлган поғоналарда “Барселона” (8,2%), “Реал” (5%), “Интер” (3,7%), “Челси” (3,5%) ва “Ньюкасл” (3,1%) жойлашган.
