Opta superkompyuteri CHLda g'oliblikka da'vogarlik ro'yxatini yangiladi
“Arsenal” Yevropa Chempionlar ligasida g'olib chiqish uchun asosiy da'vogar sifatida ko'rsatilmoqda. Bu haqda Opta superkompyuteri ma'lumot berdi.
Hozirda ortda qolgan ikki turdan so'ng oltita klub mag'lubiyatsiz yurishini davom ettirmoqda – “Bavariya”, “Real”, “PSJ”, “Inter”, “Arsenal” va “Qarabağ”.
Opta superkompyuterining yangilangan hisob-kitoblariga ko'ra, ayni paytda turnirda g'alaba qozonishga asosiy da'vogar — “Arsenal”. Jamoaning chempionlikka erishish ehtimoli 18,1% deb baholangan. Ikkinchi o'rinda “Liverpul” (14,7%), uchinchi pog'onada esa “PSJ” (14%).
Shuningdek, kuchli beshlikdan “Manchester Siti” (9,7%) va “Bavariya” (9,5%) ham joy olgan.
Oltinchi o'rindan o'ninchi o'ringacha bo'lgan pog'onalarda esa “Barselona” (8,2%), “Real” (5%), “Inter” (3,7%), “Chelsi” (3,5%) va “Nyukasl” (3,1%) joylashgan.
