Оptа: «Арсенал» АПЛ чемпионлиги учун асосий фаворит
«Манчестер Сити»нинг имконияти эса 12,74 фоизга баҳоланди.
ФОТО: Getty images
Оpta суперкомпютери Англия Премьер-лигасининг 32-туридан кейин чемпионлик пойгаси бўйича янгиланган тахминларини эълон қилди.
«Арсенал»нинг чемпион бўлиш эҳтимоли 87,26 фоизни ташкил қилмоқда.
«Манчестер Сити»нинг имконияти эса 12,74 фоизга баҳоланди. Қайд этилишича, 32-тур баҳсларидан аввал Лондон клубининг чемпионлик имконияти 97,7 фоиз эди.
Айни пайтда «Арсенал» 70 очко билан АПЛ турнир жадвалида пешқадамлик қилмоқда. «Манчестер Сити» эса 64 очко билан иккинчи ўринда бормоқда.
Маълумот учун, кейинги тур марказий баҳсида айнан «Арсенал» ва «Манчестер Сити» ўзаро тўқнаш келади. Учрашув 19 апрель куни «Этиҳад» стадионида бўлиб ўтади.
Розикжон Султонмуродов
Журналист