\"Олтин тўп\"ни топшириш маросими қачон ўтказилиши маълум бўлди
Фото: Getty Images
"France Football" нашри томонидан ҳар йили дунёнинг энг яхши футболчисига топшириладиган "Олтин тўп" маросими қачон бўлиб ўтиши аниқ бўлди.
Маълум бўлишича, мукофот жорий йилнинг 22 cентябрь куни Франциянинг Париж шаҳрида ўзининг янги эгасига топширилади. Тадбир Париждаги “Шатле” театрида бўлиб ўтади.
Маълумот учун, 2024 йилда ушбу совринни "Манчестер Сити" ярим ҳимоячиси Родри қўлга киритган эди.
Розикжон Султонмуродов
Журналист