«Олтин тўп» учун асосий фаворит ўзгарди

2026 йилги «Олтин тўп» мукофоти учун букмекерлар котировкаларини янгилади. Аввалроқ Гарри Кейн асосий фаворит ҳисобланган бўлса, энди «Барселона» ва Испания терма жамоаси вингери Ламин Ямаль биринчи ўринга чиқди.

Амалдаги котировкаларга кўра, Ямалнинг «Олтин тўп»ни қўлга киритиш эҳтимоли 41 фоиз атрофида баҳоланмоқда. Кейннинг имкониятлари эса 37 фоизга тенг.

Қолган футболчиларнинг имкониятлари анча паст. Килиан Мбаппе 4,9 фоиз билан учинчи, Лионель Месси эса 3,68 фоиз билан тўртинчи ўринда бормоқда.

2026 йилги «Олтин тўп» мукофоти 26 октябрь куни Лондонда топширилади.

Эслатиб ўтамиз, ўтган йили мазкур совринни Усмон Дембеле қўлга киритган, Ламин Ямаль эса овоз беришда иккинчи ўринни эгаллаган эди.

Розикжон Султонмуродов

Журналист

1 0 0 0 0 0