Олли Уоткинс: “Саудия Арабистонидаги футбол даражаси АПЛ билан таққослаш мумкин”
“Ал-Ҳилол” ҳужумчиси Олли Уоткинс Саудия Арабистони чемпионатидаги футбол савияси ҳақида фикр билдирди. Англиялик форварднинг айтишича, у янги жамоасига ўтганидан кейин кўрган даража Англия Премьер Лигаси билан бемалол таққосланиши мумкин.
“Мен бу ерда кўрган савия АПЛ даражасига яқин. Бу ерда ўйнашни ва совринлар ютишни истайман. Бунинг учун жамоада барча имкониятлар мавжуд. Ҳар бир учрашувда гол уришга ҳаракат қиламан”, — деди Уоткинс ESPN’га берган интервьюсида.
30 ёшли ҳужумчи айни пайтда ҳали оптимал спорт формасига кириб улгурмаганини ҳам тан олди. Шунга қарамай, Уоткинс яқин вақт ичида ўз ритмини топиб, жамоага кўпроқ фойда келтиришига ишонмоқда.
Маълумот учун, Уоткинс жорий ёзда “Астон Вилла”дан “Ал-Ҳилол”га 58,4 миллион евро эвазига трансфер қилинди. Англиялик ҳужумчи янги жамоаси сафидаги илк учрашувидаёқ гол уришга муваффақ бўлди.
