Олимпия терма жамоамизнинг Осиё кубоги (U-23) саралаши учун таркиби эълон қилинди
Ўзбекистон олимпия терма жамоаси U-23 Осиё кубоги саралаш босқичи учун футболчилар рўйхатини маълум қилди. Қўшни Тожикистон ва Қирғизистондан фарқли ўлароқ, терма жамоамиз бутун ёшлар таркибини миллий жамоага жалб қилмасдан, икки фронтда ҳам рақобатлаша олади. Масалан, миллий жамоа сафида Хусанов, Файзуллаев ва Назаров ҳаракат қилади. Олимпия жамоаси эса уларсиз ҳам кучли кўринишга эга. Таркибда тажрибали йигитлар, клубларида асосий ўрин эгаллайдиган футболчилар ва легионерлар бор. Жумладан, Уринбоев ҳамда Рахмоналиев.
Эслатиб ўтамиз, гуруҳдаги рақибларимиз — Қирғизистон, Фаластин ва Шри-Ланка. Биринчи баҳс 3 сентябр куни Шри-Ланкага қарши ўтказилади.
Гуруҳда биринчи ўринни эгаллаган жамоа Осиё кубоги йўлланмасини қўлга киритади. Иккинчи ўрин соҳибининг тақдири эса бошқа гуруҳлардаги натижаларга боғлиқ бўлади.
