“Олимпиакос” Наир Тикнизян трансфери ҳақида расман эълон қилди
Грециянинг “Олимпиакос” клуби Арманистон терма жамоаси ҳимоячиси Наир Тикнизян билан шартнома имзолаганини расман эълон қилди. 27 ёшли футболчи янги жамоаси билан меҳнат шартномасига қўл қўйди, бироқ келишув муддати клуб томонидан ҳозирча ошкор қилинмаган.
Аввалроқ ОАВда Тикнизян “Олимпиакос” билан тўрт йиллик шартнома имзолаши ва йилига тахминан 1 миллион евро маош олиши ҳақида хабарлар тарқалган эди. Клуб эса расмий эълонда бу тафсилотларни тасдиқламади.
Тикнизян ўтган мавсумни Сербиянинг “Срвена Звезда” клуби сафида ўтказди. У барча мусобақаларда 47 та учрашувда майдонга тушиб, 1 та гол урди ва 7 та голли узатма амалга оширди.
Маълумот учун, Наир Тикнизян бунгача Россияда Москвадаги “Локомотив” ва ЦСКА клублари сафида ҳам тўп тепган. Энди арманистонлик ҳимоячи фаолиятини Грециянинг “Олимпиакос” клубида давом эттиради.
