Окан Бурук: «Осимҳеннинг жароҳати «Ливерпул»га қарши ўйин тақдирини ҳал қилди»
Туркиянинг «Галатасарой» жамоаси бош мураббийи Окан Бурук УЕФА Чемпионлар Лигаси 1/8 финали доирасида «Ливерпул»га қарши кечган жавоб учрашувидаги (0:4) мағлубият сабабларига тўхталиб ўтди. Мураббийнинг фикрича, жамоа ҳужумчиси Виктор Осимҳеннинг 46-дақиқада майдонни тарк этиши ўйин тақдирини ҳал қилган.
«Руҳий жиҳатдан Осимҳеннинг жароҳат олиши ўйиннинг бурилиш нуқтаси бўлди. Қўлидаги оғриқ уни қаттиқ безовта қилди, у 100 фоиз тайёр эмас эди. Дастлаб биз яхши прессинг уюштиряптик... «Ливерпул»ни ғалаба билан табриклайман, биз эса кўзлаган мақсадимизга эриша олмадик.
Ланга касалхонага олиб кетилди. Агар жарроҳлик амалиёти зарур бўлса, дарҳол тегишли қарор қабул қилинади», — дея Бурукнинг сўзларини келтиради УЕФА расмий сайти.
Эслатиб ўтамиз, «Галатасарой» икки ўйин натижасига кўра (1:0, 0:4) мусобақадаги иштирокини якунлади.
