Ойбек Ўрмонжонов Туркияда тиззасидан жарроҳлик амалиётини ўтказди
Тикланиш жараёни бир неча ойни ташкил қилади.
Фото: Динамо ПФК
Динамо» сафида бу йилги ўйинлари орқали Суперлига кашфиётларидан бирига айланган Ойбек Ўрмонжонов мавсум якунида жароҳат олганди.
19 ёшли яримҳимоячи сўнгги турдаги «Насаф»га қарши ўйин олдидан машғулотда жароҳат олганди. Тиббий текширувлардан сўнг, футболчининг чап тизза олдинги хочсимон бойламининг йиртилиши аниқланганди. Куни кеча Ойбек Истанбулда тиззасидан жарроҳлик амалиётини муваффақиятли ўтказди ва Ўзбекистонга қайтди.
Тикланиш жараёни бир неча ойни ташкил қилади. Ўрмонжонов жароҳат сабабли январ ойида Саудия Арабистонида ўтадиган U23 Осиё кубогини ўтказиб юборади.
Розикжон Султонмуродов
Журналист