ОФКнинг “Grassroots” дастури доирасида болалар футбол фестиваллари ташкил этилди
Тадбир якунида ёш футболчиларга Ўзбекистон футбол ассоциацияси томонидан эсдалик совғалари топширилди.
photo: UFA
ОФКнинг “Grassroots” дастури доирасида Ўзбекистон футбол ассоциацияси ташаббуси билан мамлакатимизнинг 9 та ҳудудида болалар футбол фестиваллари ташкил этилди.
Хусусан, Андижон, Фарғона, Наманган, Тошкент вилояти, Сирдарё, Жиззах, Навоий, Бухоро ҳамда Хоразм вилоятларида ўтказилган фестивалда 10-12 ёш тоифасидаги ўғил-қизлар иштирок этди.
Тадбир давомида болалар бир нечта гуруҳларга бўлиниб, кичик форматдаги ўйинларда қатнашдилар. Шунингдек, маҳаллий мураббийлар томонидан ёш иштирокчилар учун махсус машғулотлар ташкил этилиб, футболнинг асосий кўникмалари бўйича амалий сабоқлар берилди.
Тадбир якунида ёш футболчиларга Ўзбекистон футбол ассоциацияси томонидан эсдалик совғалари топширилди.
Иброҳим Жалолов
Редактор