ОЧЛ 2. «Ан Наср» чорак финалда «Ал Васл»ни йирик ҳисобда мағлуб этди
ОФК Чемпионлар Лигаси 2нинг чорак финал учрашуви якунланди. Унда БААнинг «Ал Васл» ҳамда Саудия Арабистонининг «Ан Наср» жамоалари ўзаро баҳс олиб боришди. Дубайдаги «Забел» стадионида ўтган ўйинда меҳмонлар 4:0 ҳисобидаги йирик ғалабани қўлга киритишди.
Учрашувнинг 11-дақиқасида меҳмонлар ҳужумчиси Криштиану Роналду ҳисобни очди. 24-дақиқада ҳимоячи Иниго Мартинес «Ан Наср»нинг устунлигини оширган бўлса, 26-дақиқада Абдулела Ал-Амри ҳисобни йирик кўринишга олиб келди. Иккинчи бўлимнинг 80-дақиқасида Садио Мане якуний ҳисобни ўрнатди — 4:0.
Эътиборли жиҳати, Криштиану Роналду ушбу ўйинда ўз фаолиятидаги 969-голини киритишга муваффақ бўлди.
Турнирнинг яримфинал босқичида «Ан Наср» жамоаси «Ал Ахли» – «Ал Ҳусайн» жуфтлиги ғолиби билан куч синашади.
