OChL 2. «An Nasr» chorak finalda «Al Vasl»ni yirik hisobda magʻlub etdi
OFK Chempionlar Ligasi 2-ning chorak final uchrashuvi yakunlandi. Unda BAAning «Al Vasl» hamda Saudiya Arabistonining «An Nasr» jamoalari o‘zaro bahs olib borishdi. Dubaydagi «Zabel» stadionida o‘tgan o‘yinda mehmonlar 4:0 hisobidagi yirik g‘alabani qo‘lga kiritishdi.
Uchrashuvning 11-daqiqasida mehmonlar hujumchisi Krishtianu Ronaldu hisobni ochdi. 24-daqiqada himoyachi Inigo Martines «An Nasr»ning ustunligini oshirgan bo‘lsa, 26-daqiqada Abdulela Al-Amri hisobni yirik ko‘rinishga olib keldi. Ikkinchi bo‘limning 80-daqiqasida Sadio Mane yakuniy hisobni o‘rnatdi — 4:0.
E’tiborli jihati, Krishtianu Ronaldu ushbu o‘yinda o‘z faoliyatidagi 969-golini kiritishga muvaffaq bo‘ldi.
Turnirning yarimfinal bosqichida «An Nasr» jamoasi «Al Ahli» – «Al Husayn» juftligi g‘olibi bilan kuch sinashadi.
